قطرة ماء

Hi, it’s me again, back!

أنا قطرة ماء. وضعت في صورة قلب  ؟ ملأته وكنته , وضعت في صورة رصاصة ؟ كنتها. أنا الغير محدد إلا بما شئت من حدود .. والغير مُعرَّف . والمعروف لكل الكون والكائنات.

أنا القوة. قوة الضغط . قوة التماسك وتوتر سطحي غير مبرر وغير مفهوم . قوة المقاومة. أنا الحياه . أجري حياة وانتعاشا في الشرايين .

أنا بلا طعم بلا لون بلا رائحة .. لكني أنا الحياة وسر الوجود. أنا بلا شكل .. أنا أي شئ وكل شئ . أنا الفريد.

أنا إذا توحدت مع ذرات بُن كنت لاذعة .. مع حبات ليمون كنت حمضية .. مع بعض فواكة أو شراب كنت السُكَر .. كنت فرحة أو مرار. أنا .. هي من أذوب معه .. وهو من لا يكون بدوني.

أنا صبر الانتظار وثبات راكد .. وموج هادرهارب هاجم يجري جريان. أنا من ينمحى ببقعة شمس.

أنا اللاشئ وكل شئ. أنا الفرص والزمن والظروف والأحداث والملابسات والشخوص ..

والتوقعات .. والطاقة الكامنة .. والأمل .. والانتظار.

واللاشئ.

في كل مكان . بلا عنوان.

sweet & simple

Hi, it's me again, back!

Happiness could be as sweet & simple as that.
Dreams could be as sweet & simple as that.

:)

أربـع إيـديـن عـلى الفـطار
أربـع شـفايف يشربوا الشاى باللبن
ويـبوسوا بعض ويحضنوا نور النهار
بـين صدرها وصدره وبين البسمتين
ويحـضنـوا الحب اللى جمعهم سـوا
على الفطـار
ويحـضنوا الشمس اللى بتهز السـتار
وتـخش من بـين الخيوط وبعضـها
مع الهــوا
للأودة تـرسم نفسـها عـلى أرضها
عـلى البساط اللى اشتروه مع الجهاز
على الغرام اللى اشتروه من غير تمن
وعلى القـزاز
ويـشربـوا الشــاى باللــبــن
فى فنجالـين
عــلى الفـطار أربــع إيـديـن
ودبلتـــين
بيـصـحُّوا قـلبى كل ليلة فى المنام
وبـيكتـبولى بـلـون منَـور فزدقى
على الهـوا الاسود وع الجفن اللى نام
كلمة "سلام"

قصيدة شاي باللبن .. لصلاح جاهين

بلا ولا شي ..

Hi , it’s ma again , back!

حلو.

حلو أنك بين آن وآخر .. مره .. لحظة كل كام شهر تحس فيها إنك ..حر. بلا ولا شي.

تحس إنك طاير .. في عالم تاني .. عالم محدش يقدر يشوفه غيرك , ولا تقدر تشاركه إلا مع حد معين .. حبيب خاص ومميز تقدر تشاركه التفاصيل الصغيرة والأحلام البريئة .. حتى لو كان الحد ده نفسك.

لما تحس أن مش فارق معاك لا حد ولا حاجه .. لا تقييم فلان ولا أحكام علان ..
لا مين شايفك إزاي ولا مين هيفهمك إزاي .. وتضربها صرمة للميكروسكوب اللي متهيألك أنه متسلط عليك طول الوقت .. في شغلك ..من عائلتك ..أصحابك معارفك ..والمجتمع .. الناس .. أو حتى شيطانك.

في كام لحظة ..

لما تحس إنك عايز تحب الحياة .. وتعيشها .. حتى لو في الخيال .. بالخيال.

تعيش لحظتها لحظة بلحظة .. ولو للحظة.

بلا ولا شي.

الحمد لله.

Just like a dream

Hi, it's me again, back!

Amazing voices crafting through wonderful music & fantastic atmospheres ..the distant dream of love.

They built a dream with their voices.

السير في رمال متحركة

Hi, it’s me again, back!

مره كنا قاعدين في جلسة بنتكلم عن Your worst fear  .. ايه أكتر حاجه بتخاف منها ؟ واحد  قال لنا "الفتنة" . استغربت جدا وقتها من أن ده يبقى أسوأ مخاوفك .

بس دلوقتي قادرة أفهم ده.. قادرة أفهم اللي ممكن تعمله حالة عدم اليقين وأنك تبقى مش عارف ايه الصح بالضبط وايه الغلط.. ان "ثوابتك" كلها تتزلزل .. وتبقى زي اللي واقف على رمال متحركة.

فتنة.

أنك تلاقي كل الأفكار و المبادئ متصادمة .. ومش متجانسة مع اللي بيرددوها ولا مع تطبيقها في الواقع .. الواقع اللي بقى صعب قوي .. قاسي قوي .. ودموي قوي.

 واقع مر بنعيشه .. واقع الإنسان فيه صار رخيص وبلا قدسية وفداء أشخاص وأيديولوجيات وسياسات .. واقع الفلسطينيين فيه بيقتلوا ويتضربوا بالآلاف في عز رمضان وفي أول أيام العيد .. ومساجد وتراث بيتدمر في العراق .. وناس بتتهجر وبتتدبح على أرضها ! وشعوب بتقتل وتدمر في بعضها في سوريا و ليبيا والصومال وقبلهم السودان ! كل ده واحنا أصلا لسه في قلب التخلف والتأخر والجهل والفقر والمرض !

صعب ما تتزلزلش قدام صورالعنف ..صور الحرق والنار بتدمر كل اللي اتبنى .. بتدمر تاريخك وذكرياتك وأرضك.. تعمل ايه قدام صور الجثث والأشلاء اللي صارت شئ عادي !

 لما تلاقي مبدأ عظيم زي أهمية وقدسية الروح .. البني آدم .. حياة الإنسان .. اللي هي مبدأ من الطبيعي والبديهي إنه يكون أهم وأولى المبادئ.. في صراع  قدام مبادئ زي المقاومة والحرية والدفاع عن أفكارك بل الاستماتة في الدفاع عنها.

مشكلة كبيرة لما الدم وحياة البني آدمين يبقوا سلعة في مزاد سياسي علني .. متاجرة  ونخاسة.. مين يزود ومين يزايد.. حتى المزايدة نفسها بقت مريبة وتلخبط الجن .. كأن بشر ليهم ثمن وبشر تانيين ليس لهم حق أصلا في الحياة ..

كيف لا أبكي , ولا أعير أدنى انتباه أو رثاء لمن مات أو استشهد لمجرد انه بيشتغل ضابط  شرطة أو جندي جيش .. أو لمجرد أنه بدقن برده , لمجرد انه غير مسلم , شيعي ..مسيحي .. أي طائفة  , لمجرد انه مش من المنطقة العربية , لمجرد أنه من العراق وطوائفها وليس من غزة ..لمجرد انه مختلف معايا سياسيا !!

أي منطق وأي إنسانية يُتغَنى بها !!

أي منطق اللي يخلينا نحرق الأرض اللي بتضمنا عشان أشخاص  !! عشان فلان ولا علان ,عشان كراسي , عشان دولا مش دوكهم !! نحرق مستقبل عشان حاضر مريض !

ولا حد عارف حاجه تمام المعرفة , ولا حد شايف #الصورة_الكاملة , ولا حد فاهم حاجه .. كله بيفتي وبيردد كلام بغبغانات .. بدون علم حقيقي .. بدون بصيرة .. بس كله لازم يقف في صف في المعركة / المعارك .. وكله لازم يكون له دور.. معارك في المنطقة الواحدة .. في البلد الواحد .. في البيت الواحد .. في الأسرة الواحدة! سرطان جواك مش عارف تعالجه ولا تستأصله .. كل الحلول مؤلمة .. كل الحلول فيها خسارة.

فتنة!

بس مشكلة ثانية لما الأفكار ذاتها تبقى رمال متحركة .. العقيدة .. لما ما يبقاش في منطق واحد قادر يصمد ويكمل معاك رحلة التيه.

أي أفكار بعد ما تبقى مصيبتك في الدين !! لما تلاقي ناس بتقتل وتذبح وتغتصب و تجور وتظلم بإسم الدين !! حتى لما تحاول تفهم و تبحث وتدور على الحقيقة .. تلاقي أمواج الكدب والإفك والأهواء والنفاق والجهل والتسطيح عالية .. عايزة تغرقك وتغرقك وتدفنك في بحر شيطان غاضب كاره لعين .

ناس بتقهر تحت راية الحرية !! و أوطان تتفتت و تسقط مُدمرَة تحت راية التحرر والثورة !!

أي فتنة بعد تلك !

كبر إبليس وعناده يحكم العقول والبصيرة والألسنة , محدش عايز يحاول يسمع أو يفهم أو يتفاهم بدون تخوين بدون كراهية بدون تعصب .. محدش عايز يتنازل او يرجع عن خطأ أو حتى يعترف بيه ..كل العقول الحاكمة عقول صفرية .. يا مكسب يا خسارة .. يا أحقق كله يا إما عليا وعلى أعدائي .. عقلية يتهد المعبد على اللي فيه !

لما تعيش صوتك محبوس جواك لدرجة أنك نفسك ما تبقاش قادر وخايف تسمعه !!

فتنة.

لما تتصادم معاني الدين مع الوطن مع الحرية مع الإنسانية مع السلام مع الحق جوه العقول .. يبقى أكيد عايشين فتنة.

فتنة الغباء فيها جريمة .. والفرقة فيها جريمة .. والعند فيها جريمة .

بأكتب التدوينة دي عشان من قلب الفتنة ورغم أي شيئ أفكر نفسي بأهم حاجه دلوقتي .. المراجعة المستمرة .. والتبرأ.

أعلن تبرأي إلى الله .. كل يوم.. من كل دم برئ يسفك مجبرا دون أي خيار بإسم دين أو فريق أو "جهاد " , أتبرأ من كل دم يسفك تحت راية دين _إفكا وإفتراء والدين منهم براء_ أو تحت راية ثورة أو تحرر, أتبرأ من الظلام والتهجير بالظلم والتعذيب والقهر والظلم.

واني لازم كل يوم أراجع نفسي وأعيد تحديد مفاهيمي وتعاريفي لكل ما يجري حولي .. بما يرضي الله.

ربنا ينجينا وينجي بلادنا منها .. بإخلاصنا وصدقنا .. 

برحمته.