إزاي !!

hi, it's me again, back!

إزاي ؟!!!

بجد إزاي كنا عايشين في الذل و الخيبة و العمى ده !! إزاي كنا سايبيين شوية حرامية و أوساخ و بلطجية يتحكموا في حياتنا و يفسدوها و يخربوا بلدنا كده؟؟ إزاي كان لينا بلد حلوه و عظيمة كدة و سايبن الكلاب دول يغتصبوها و ينهشوا فل لحمها الحي كده ؟؟!!

إزاي كنا ساكتين عليهم أو شايفين أن ممكن حاجه تتصلح مع الفاسدين القوادين دول ؟؟

إزاي كنا خايفين منهم و مستسلمين ليهم و ما كناش عايزين نواجههم ؟؟ بجد إزاي كنا " خورونجات " كده ؟؟

إزاي طلعوا حاجه هشه و تافهه و ضعيفة قوي كده و هما اللي فضلوا يمصوا في دمنا و دم ولادنا و دم بلدنا طول السنين دي ؟؟

إزاي ناس اتجمعوا مع بعض و خرجوا كلهم مع بعض على اختلافهم و منابعهم و اتجاهتهم على قلب رجل واحد أسقطوا النظام و أظهروا الحق و زلزلوا الأرض بكل هذه الحضارية و هذا الإيمان و هذه البراءه؟؟؟

إزاي ما كُناش عارفيين قبل كده يعني ايه مصر و يعنى ايه مصريين ؟!!!

إزاي قدروا يقاوموا و يثبتوا على الحق وسط كل البلبلة و الاتهامات اللي كانت حواليهم؟؟

إزاي ربنا كان منور بصريرتهم يشوفوا اللي ماقدرتش ملايين تشوفه وقتها أو تصدقه حتى الآن ؟؟ إزاي ربنا ثبت قلوبهم كده ؟؟

بجد عقلي مش قادر يتخيل إزاي كنا عايشين و قابلين أو بمعنى أصح مش بنغيير قبل 25 يناير ؟؟!!!

إزاي قبل التنحي و بعده كثيرون لم يستطيعوا إدراك دناءة المؤامرة التي حاكها و يحيكها فلول النظام و رؤوسة و كلابه و كلاب أمن الدولة و الحزب الوطني و الحرامية ضد مصر و المصريين ؟؟!!!

إزاي كان منا ناس مصدقه أن ممكن يحصل إصلاح أو تغيير بعد خطاب 1 فبراير أن ممكن و حسني موجود كانت البلد تنضف و تتطهر و تستمر الثورة ؟؟!!!!

إزاي كنا مخدوعين و مُتلاعَب بنا كده ؟؟ إزاي كنا متخيلين خطوه لقدام و النظام البائد أو أي من رموزه كان له وجود ؟؟!!!

إزاي كنا ناس فعلا ما نفعهاش كل السنين و العمر و الفلوس اللي قضيتها في التعليم عشان تفهم ؟؟!!!!!!!!

إزاي حولنا الخوف و القلق و الركود و الرعب من التغيير- أي تغيير- إلى كائنات بهذا القدر من السذاجه ؟؟!!!

الحمد لله على رحمة ربنا ببلدنا و روح الله اللى نفخها في الشرفاء و الشجعان و الطيبيين هي هذا البلد و الجنود التي أرسلها لتأييد المصريين

إنها قدرة الله و إرادته -تعالى -التي تمكنني من الاستيعاب, وإيماني بقوة دعوة المظلوم .. و إيماني بنور الحق اللي لازم يخترق كل الأسوار اللي قدامه و ينور الأرض .

السؤال الآن ...

هل سيأتي وقتا آخر - قريب أو بعيد- أشعر فية بنفس الاندهاش ؟!! و نفس السذاجه ؟؟ و نفس الندم عالعمر اللي راح ؟؟!!