عايشه في مصر

hi,it's me again,back!

فرحانه

فرحانه قوي النهارده.. رحت صوتت باللي شايفه به خير مصر.. أو اللي اختارت به "خارطة الطريق لمصر اللي عايزاها"

من صباحية ربنا لحد الساعة 7 و الشارع عندنا - اللي في لجنتين- كان زحمة جدا و على بعضه!

حسيت بتفاؤل و فرحه كبيره ان كل الناس دي نزلت و بتشارك.. وفعلا بتمارس حقها في الديموقراطية - حتى لو مش 100% منهم بوعي حقيقي و ادراك لمدى تأثير مشاركتهم و ابعاد قرارهم-

- وحتى لو مش 100% كما ينبغي التجربه أم تكون-

ولكن النهارده كانت الناس تفرِح و الشوارع تِفرح و مصر كانت زي عروسه في ليلة حِنَتها

و دي أول خطوة على الطريق, صحيح اتسربعنا فيها جدا و العملية نقدر نقول "اتاخدت قفش" , و قد يكون هذا لصالح الثورة المضادة أو بمعنى أصح مش في صالح العملية الديموقراطية ..

متفاءله :-)

وفرحانه اني بأروح أصوت و أشارك برأيي و و أحس أن رأيي يفرق في بلدي .. على أرض بلدي .. في مصر .. بلدي