مش كفايه نحب بعض

hi, it's me again, back!
بحبها .. و بتحبني.. نعم نحب بعض.. نعم بتحبنى حب جنوني .. بأحبها حب مؤلم!
نعم , أموت من خوفي عليكي , أكره نفسي عندما أقلق عليكي .. لأنني أعرف أنك لا تساعدي نفسك .. مستسلمة لأخر الذل !
دائما في انتظارى .. دائما محتجاني .. دائما عايزاني .. وأنـــــــــــــــــــــا .. بحب الحرية
عايز حبك يبقى عشق مش مسؤلية .. عايز أدوب مش أتقيِد .. حبك أناني .. بس أنا أكثر أنانية !
حاجات كتيـــــــــــــــــــر قوي تربطنا .. حاجات مقدسة .. حاجات بحبها .. حاجات محتاجها .. حاجات جميلة .. حاجات مهمه .. حاجات هي أنا .. حاجات هي انت ..
بحبك وحافظ تفاصيلك .. نعم , بخاف عليكي .. بأفكر فيكي .. بأحسك .. بأغير عليكي ..
بس كتير بتخنوقيني .. انت مش عايزه تسمعيني .. مش فارقه تسمعيني .. مش عايزه تفهميني .. مش مهم تستوعبيني .. عايز أفكر معاكي .. أفلسف هواكي .. تعيشي معايا دماغى .. عايزك تحلمي معايا ..
ليه دائما بتسامحينى .. بتحبيني .. بتدينى ..
ليه مابتزعليش .. ليه مابتغضبيش .. ما بتثوريش !
أه بتحبيني ..
اه بحبك ..
و مش كفايه نحب بعض .