افتكرتك

شفت ترميلة العسل..
و اشتقت حضنة ايدي لمج الكاكاو ..
و سمعت صوت العربيات.. و هي بتخدش صمت الشوارع الغرقانه..
و أنا لسه في سريري .. متدثره ببطاطيني..مش عايزه اسيبها .. ولا أسيب دفا حتتي ..
و لما انزل الصبح ألاقى الندى..كتب كلماته بصباع طفل صغير على ازاز العربيات..
و الاقى المطر من بدري روى .. عطش ارضي .. غسل وردي و فلي و كل النباتات
و حسيت لفحة البردعلى وشي ..مع لفحة هوا بتطير كوفيتي
و شمسايه تدخلي تدفيلي ايدي و رجلى السقعه الميته الي كنت نسيت لونها كان أصله ايه!
شمسايه حلوه شعاعها الذهبي يترسم عالحيطان ..
و شجرة كريسماس واقفه وحيده .. في انتظار الزينه .. و هدايا الأعياد
رقصت رقصتي .. مع الشتا
و افتكرتك ..

old writings.. old winter.. missing!