Hi, it’s me
again back !
عن يسقط حكم العسكر .. بتاعتي..
بعدما كثر النقاش و الجدال .. و السجال .. و الردح .. بكتب التدوينة دي
عشان أجيب رأيي من الآخر J
لو سيادتك مقتنع و من اللي بيقولوا أن الشعب ده همجي و جاهل و محتاج ايد من
حديد تمسكه .. و لازم "ينضرب بال**** عشان يمشي صح " .. و لازم يمسكه
شخص أو فكر "عسكري " عشان ما ينفعش معاه غير كده ..هتلاقيني بأقولك
"يسقط حكم العسكر" .. عشان أنا شايفه أن ده شعب بيجري جواه حضاره .. و
لو مش مصدق و كل اللي في دماغك مظاهرات 18 و 19 يناير زي ما صورهالك السادات و صور
السيارات المتكسره و العربيات المحروقه و المحلات المنهوبه .. ارجع لل 18 يوم في
ثورة يناير.. و شوف ازاي الناس حمت بعضها ضد بلطجية مبارك و ارهابهم و حمت بلدها .. و مشاركته
في الانتخابات و وقفته في الطوابير .. بلاش نبص لورا .. هابص معاك لقدام .. هتلقيني
بقولك عن حق الانسان المصري في الكرامة و الاحترام و النظام .. و انه يتعامل
كانسان حر و له حقوق في هذا البلد .. هتلقيني بقولك عن حق "الانسان
المصري" انه يعيش في نظام و دولة تحترم ارادته و حريته .. زيه زي أي دولة في
اوروبا أو أمريكا أو أي دولة "عالم أول ".. في أي نظام ديمقراطي حر !
هتليقيني مؤمنه بحق الانسان في الحلم ده .. و أننا شعب نستحق ده .. نظام ديموقراطي
ينهض بالدولة و يحمي حقوق و كرامة مواطنيها و يحترمهم .. هتلاقيني بقولك "يسقط حكم العسكر"
"يسقط حكم عسكر عبدالناصر و السادات و مبارك و المجلس " ..
ببساطه لأنهم حكموا مصر 60 سنه و مصر لسه مش دولة عالم أول .. و لسه مش أعظم دول
العالم الكبرى . أنا مقتنعه أنها كان لازم بعد 60 سنه تكون كده ..و تقدر..وتستحق.. مع احترامي و
تقديري لكل ما قدموه من انجازات و نجاحات في تاريخ مصر الحديث .. و لكنه للأسف انتهى بنا
إلى الديكتاتورية و الهشاشة لأنهم – في رأيي- لم يهتموا بالبداية الصح .. و هي
الديموقراطية الحقيقية و الحرية و الاصلاح السياسي الجوهري .. عشان كده يسقط حكم
ال 60 سنه عسكر !
عشان سئمت من فكرة الحاكم اللي بيفهم و يعرف و يفكرو يقرر بدلا عن شعبه ..
عشان سئمت من الأكاذيب .. هتلاقيني بأقولك يسقط حكم العسكر!
عشان مش شايفه أن مؤسسات مصر تبقى مجرد "مكافئة نهاية الخدمة"
لأي عسكري ( شرطة أو جيش) لمجرد لقبه و ولاءه .. و مصر مليانه كفاءات مدنيه شابه
.. عشان مش مقتنعه أن لازم اللي يكون في ايده القرار في أي حاجه في البلد دي يكون
سنه فوق ال60 !!! تسقط شيخوخة الدولة .. و عسكرة الدولة (شرطة أو جيش) و
"يسقط حكم العسكر" !!
و عشان كل الدم اللي سال في المرحلة الانتقالية .. و الشهداء اللي راحوا ..
و الأهداف اللي ماتحققتش .. و البر اللي لسه ما وصلنالهوش .. و الأخطاء الكارثية
.. و "الاستقرار" اللي ما حصلش .. و عشان مش عايزه يكون دائما المنظور الأمني هو دائما الحاكم و المسيطر على التعامل مع أي مشكلة أو قضية .. ماينفعش يبقى الحل الأمني و بس.. هناك الحل السياسي و العلمي والاجتماعي و .... عشان كده "يسقط حكم العسكر "!!
مش بكتب التدوينة دي عشان مجرد تغيير اجراءات أو تغيير تواريخ أو تغيير "فوري" في السلطة أو غيره.. لست
بدارية في هذا الشأن ..
أنا بكتبها عشان أوضح معنى و أناقش فكر .
كل واحد حر في رؤيته و قناعاته .. رأيي صواب يحتمل الخطأ و رأي غيري خطأ
يحتمل الصواب .. و كلنا بنجرب و بنتعلم ..
و الأهم اننا بنفكر و بنتكلم ..
و ربنا يستر.
No comments:
Post a Comment