Hi, it’s me again, back!
عمرك حلمت بفكرة .. الموضوع بيبدأ باحساس بمشكلة معينة.. حاجه .. تغيير
لازم .. بس بتفرق أنك بتكون عايز التغيير ده يحصل أو الحاجه دي تتلبى بإيدك انت ..
تكون انت طرف فيها ..مشارك فيها .. داخل في ثوابها.
تبدأ تفكر.. تييجي الفكرة .. و تحلم :)
.... بس انت لوحدك .. ومفيش في ايديك
كتير.
احساس جميل قوي لما تفتح عينيك في يوم وتلاقي اللي حلمت بيه قدام عينيك ..كيان
كامل . مشروع اكتمل. حاجه حلوه وشغاله.
أمنيتك وفكرتك دبّت فيها الروح ..
بس بناس تانيه غيرك.
بتفرح . فرحه حلوه . احساس جميل.
بس الاحساس اللي أحلى وأجمل أنك تبقى عارف انك هتقدر تفكر ففكرة جديدة وحلم
جديد .. حلم جميل ومبتكر وفريد بتاعك انت .. او بتاع الناس اللي فتقابلهم وتحطوا
ايديكوا في ايد بعض وتبنوه سوا وتحولوه لحقيقة.
هو ده الاحساس الأجمل.
بس الاحساس الأصعب .. هو انك تبقى مصدق ده.. مع كل سنه بتعدي .. وكل فكرة
بتروح عليها.
الاحساس الأجمل والأصعب والأروع.
انك تصدق . وتثابر. وتصمم.
وتفضل تدعي ربنا :)
No comments:
Post a Comment