hi,it's me again, back!
ما هو الضوء الأبيض ؟ النـــــــــور .. تلك الطاقة التي تضىء الحياه و تغيِرها .. و تفرق الليل عن النهار .. الضلال عن الهدى .. تلك الطاقة التي تبين لنا الطريق و تهدينا الرؤية
الضوء
عبارة عن موجات كهرومغناطيسية لها طاقه تظهر على شكل صورة إشعاعية وتتحول هذه الطاقة الإشعاعية إلى الأنواع الأخرى المعروفة من الطاقة تحقيقاً لمبدأ حفظ الطاقة ( الطاقة لا تفنى ولا تستحدث من العدم).
بشتغل و بشتغل و بشتغل .. جهد و جهد و جهد.. بأروح و آجي و بألِف و أدور
وهو ببساطة هو خليط من ألوان الطيف المرئي السبعة ..
أنا بعمل كل "حاجه" .. أنا كل "حاجه" .. أنا "حاجه" لبعض الوقت .. و "حاجه" أوقات أخرى
الاشعه غير المرئيه هي الاشعه التي تكون ذات ترددات أعلى أو أقل من الترددات التي يمكن للعين البشريه رؤية الأشعه فالأشعه فوق البنفسجيه تكون تردداتها عاليه جداً وذات طول موجي قصير أما الاشعه تحت الحمراء هي اشعه تردداتها تكون قليله أقل مما يمكن للعين أن تراه
أنا فنان .. أنا أهندس و أصمم بس مش مهندس عظيم .. أنا أنشط بس مع نفسي .. أنا أرسم و لكني لست الرسام.. أنا عاشق السينما بس الحقيقة مش سينيمائي .. أنا الموسيقَى .. أعزفها و لست عمر خيرت .. و لن أكون .. أنا أكتب و لست الكاتب ..درست بيزنس بس ما بشتغلش به ..أقدر أنظَم و أسوَق و أدير..بس مع نفسي زي حاجات تانيه كتير.. أنا المتعلم ..و مش فاهم حاجه!!
أنا بأعمل كل حاجه.. بس مش حاجه .. زي ما أكون ولاحاجه .. أنا حاجه موجوده بس مش متشافه هايمه في الفضاء
ينتشر الضوء في جميع الاتجهات وبسرعة فائقة جداً لدرجة لا يوجد في حياتنا اليومية أي شيء يدعونا للقول أنه يتحرك أسرع من الضوء يكون انتشار الضوء في خطوط مستقيمة لذلك فان لكل جسيم معين هناك ظل عند سقوط الضوء عليه أو على أي شي يصدر منه
أنا حاجه بيحاولوا يحبسوها .. يقيِّدوها .. يخنقوها
بس ما يقدروش .. لأنه ببساطه ماينفعش
الضوء لا مرئى ولكن عند اصطدامه بأى شىء مادى ملموس يصبح مرئى
أنا بأبعت رسائل ما بتوصلش لحد .. ما بتخبطش في حاجه جوه حد !! أنا الصوت بلا صدى يسبح في الفراغ
أنا جوايا ألوان الطيف .. أنا مشروع شعاع النور
أنا كل هو غير مكتمل
أنا كل ما هو موجود و غير مرئي .. بس موجود
أنا من ضيَّع في الأوهام عمره!!
مستني لحظة المطر .. لحظة الحركة .. لحظة الطهر و الثورة .. عشان أحس أني موجود .. و أكون .. لأول مره أكون .. أكون بألواني بكل ما فيَّه .. قوس قزح يملا السما ..حاجه حلوه و مرئية .
No comments:
Post a Comment