Hi, it's me again, back !
سمعت عن اللي بيعمل تورته حلوه قوي و يتعب فيها قوي عشان يقدمها لحد بيحبه .. بس و هو بيقدمها له ييجي راشش على وشها شوية تراب !!!
و تبوظ التورته .. و اللي بيحبه بدل ما يقول له شكرا .. يزعل منه !
أظن الموضوع ده ببساطه , سببه لما بتيجي على نفسك بزياده .. تعمل الحاجه غصب عنك و هي ضغطاك و مش حاسسها و لا حابب تعملها ..
صحيح بتعملها فعلا .. و بتضغط على نفسك و بتنجح انك تتمها .. بس عند اتفه سبب و اسرع لحظه بتلاقي رد فعلك الانفعالي قوي المبالغ فيه جدا طالع زي الوحش في the incredible HULK .. حتى لو بنظره .. حدتها بتجرح القلب !
حاجه زي اللي يبقى شايل في قلبه كره و حقد السنين تجاه حد أو موقف معين .. و تحاول يخبيه و يقفل عليه بميت ترباس عشان مايظهرش .. و فجأه يلاقيه انفجر من عينيه و هز الأرض حتى لو كان و هو بيرد السلام !!!
في حاجات عمرنا ما بنقدر نداريها أو نتحكم فيها و نسُك عليها !! ببساطة.
مش لازم نقدم التورته .. ممكن بونبونايه بنِفس و سلاسه و بساطه من القلب .. تكون أحلى و ابهج و أقيم كتيييير من تورته على وشها التراب !!
ليهه دائما غاويين نضغط و نعقد و نسلسل بعض ؟!! ليه ما نقبلش و نسلمش بطاقة و مقدرة بعض ؟!!
No comments:
Post a Comment