شوفولكو حد غيري

Hi, it's me again, back!

لو شايفين أن الطبيعي اني أكون دائما هادئة رصينة .. لا أنفعل .. و صوتي ما يعلاش .. لا اضحك بصوت عالي و لا أصرخ بصوت عالي .. و أفضل ماليش دعوة بحد .. و ما أغلطشي في حد .. و اسمع بس .. و نبرة صوتي ماتحدش .. و حواجبي ما تقضبشي .. و غضبي مايبانشي .. و افضل سعيده و مبسوطة و لطيفة 24 ساعة 7 أيام في الأسبوع .. قدامكوا حل من اتنين..

يا إما تروحوا تشتروا عروسة باربي حلوة أنيقة و سعيدة و هادئة و مبتسمة على طول و تحطوها قدامكوا في الصالون ..

يا إما تشوفولكو حد غيري.

ببساطة.



بتيجي عليا أوقات ببقى عايزة أقعد مع نفسي و بس. مش ببقى طايقة أسمع تفاهاتكم و تفاصيلكم المملة اللي باسمعها كل يوم بنفس الابتسامة و الردود و الكليشيهات التقليدية .
أنا أحزن. أنا أغضب. أنا  أُحبط . أعيش دورتي النفيسة بكل قممها و قيعانها.. .أنا بشر.
ببساطة.