Hi, it’s me again, back!
بسم الله الرحمن الرحيم .. و الصلاة و السلام على رسول الله
بحب .. اكون تايهه و مش عارفه .. و عارفه ان ماحدش عارف و لا فاهم.. غيرك يا عليم .. و استعصم بك في ظلمات بحر المجهول .
وبحب لما يكون ماحدش داري و لا عارف يحسبها و لا يقّدرها صح أو يقسّمها بعدل .. اطمئن و أسلم لك انت يا حسيب حكم و حكيم . و شكور .
و بحب أبقى عايزه قوي و محتاجه قوي و أزنّ كتيرو أنا ما معيش و مايكفّيش و ما استاهلش .. و أطلب قوي و ألِّح قوي .. يا صمد يا وهاب يا كريم .
و بحب أبقى لوحدي قوي .. و جوايا قوي .. و أنا بعيد قوي .. ابقى في معيتك و أنت أقرب لي من حبل الوريد .. يا ودود يا وارث .
و بحب أبقى خايفة قوي و أطمئن بك .. يا وكيل يا قوي يا متين .
بحب حبك .
أدور و ألف في ملكوتك .. عشان أعرف نفسي .
و ألاقي حريتي في عبوديتك .
يا ربي .
No comments:
Post a Comment