يعني لو عايزه أقول لك..

hi, it's me again,back!

يعني لو عايزه أقول لك وحشتيني ..

يعني لو عايزه أقول لِك حقِّك عليا ..

يعني لو عايزه أقول لِك دلوقتي فهمت ..

يعني لو عايزه أقول لِك دلوقتي عرفت ..

يعني لو عايزه أقول لِك ايه الجمال ده ..

يعني لو عايزه أقول لِك ايه الحلاوه دي ..

يعني لو عايزه أقول لِك مش حبه الحياه من غيرك ..

يعني لو عايزه أقول لِك مش حسه بطعم الملح .. مش حاسه بطعم السكر ..

يعني لو عايزه أقول لِك عايشه عشان أحلم بيكي ..

يعني لو عايزه أقول لِك بدوّر عليكي ..

يعني لو عايزه أقول لِك محبوسه فيكي ..

يعني لو عايزه أقول لِك هاموت عليكي ..

يعني لو عايزه أقول لِك مستنياكي ..

يعني لو عايزه أقول لِك حتى نلتقي ..

يا ترى في أمل ..؟

hi,it's me again,back!

زمان و أنا صغيرة .. أيام ما كانت حاجات كتير حلوه .. و بتتحفر في ذاكرتي عشان أفضل على طول حاسه بجمالها.. كان عندنا جنينه حلوة بنلعب فيها , و كان فيها شجرة حلوه قوي بتزهَّر ورد أصفر صغير كانت رائحته حلوه قوي .. كنت بأحبها قوي .. و الجميل اني كنت بشّم الريحة الحلوة دي من الشجرة الحلوة دي في معمورة اسكندرية بردو و دا خلاني أحبها أكتر , سألت بابا و قال لي دي شجرة ياسمين هندي !

كان بيتنا جديد و جدي بصحته و كان عندنا بواب واخد باله من البيت و من الجنينه بالمرة , الجنينه اللي زرعها جنايني فنان بمزاج و فن .. حاجه كده زي جدي زمان .. لكن الجنايني خلَّص مهمته و البواب هو اللي تولَّى و بقى البيت كله مسؤليته .. بالجنينه.. و بقى هو اللي فاهم في كل حاجه .. طالما الأمن مستتب.. طالما هو اللي حارس البيت مش مهم قوي  الباقي ..و اهي الدنيا ماشية !

يا جدعان مالوش في الزراعة و الجناين .. يعني هو عشان بس صعيدي و شاف غيطان يبقى فاهمها.. يا جماعه بقى بيكروت في شغل الجنينه و هاملها .. و لا حياة لمن تنادي.. المهم انه حارس البيت و حاميه !!

و سنين عدت .. و أنا كبرت .. و الحال على ما هو عليه.. بس الجنينه دبلت.. و شجر مات .. و ورد دبِل .. و الأخضر المزهزه بقى لون كئيب !

في يوم بأبص على شجرة الياسمين الهندي لقيتها دبلت و بطلت تزهر.. ما بقيتش تطلع الورد الأصفر المزهزه الجميل .. و لقيت مكانه عنكبوت ناسج خيوطه عليها .. مكتفها و محتلها !

و حدوته تانيه .. قصه حلوه كان ممكن تبقى حاجه حلوه.. كانت أمل في دنيا جديده .. فرحت و نزلت جبت زرع جديد ..شتله حلوه بقت زرعه حلوه .. مع كل يوم في القصه كنت بأرويها بفرحة و حب وأمل .. و.....

ماتت أمي.

و القصة انتحرت بعدها.

و أنا حزنت قوي .. واتهديت قوي .. و نسيت الزرعه .. في يوم ببص عليها لقيتها دبلت و انتكست لتحت و حسيتها بتموت .. حزنت أكتر و حسيت كل حاجه حواليه بتموت.

البواب مات .

و جه بواب جديد .. بس المره دي جبنا جانيني جديد .. جانايني بجد فاهم صنعته ..و قعدنا شهر و التاني كل ما ابص على الجنينه ألاقيه لسه بيقللب فيها و بيسمِّد في التربه.. و يرش فيها ويسقي .. و أنا أقول في نفسي عمًّال يرش في ايه و يسقي في ايه و الجنينه خربانه والشجر شكله ميت !!

وفي يوم صحيت و بأبص على الجنينه .. لاقيتها اخضرت و زهزهت .. فرحت .. جريت على شجرة الياسمين ..لقيتها زهّرت ياسمين أصفر جميل هايفتح ذراعاته للدنيا و يحضنها حضن كبير J

و بيصيت على الزرعه لقيته سقاها و قص فروعها الدبلانه .. و لقيت ورق أخضر جميل طالع مزهزه و بيقوللي بكره جايّ !

الغريب اني فجأه لما كبرت أدركت حجم الموت و الخراب اللي كان في الجنينه .. زي ما أكون أول مره أشوفه .. رغم اني شايفه الجنينه و عايشه حواليها كل يوم..كل يوم !

و الأغرب إني برده فجأه شفت جمال الجنينه بعد الجنايني الجديد .. و شفت الورد لما زهر و فتح و الشجر لما خضَّر و قال أنا أهه !

في النص كان في حاجات كتير.. بلطجه .. قرارات خاطئة.. ناس مش في المكان المناسب .. يأس.. شغل كتير.. شغل صح .. و أمل.

التأمُّلايه دي في حاجه شفتها في عمري خلتني أحس و أتأكد ان في أمل .. و عشان كده حبيت أشاركها معاكو.

حاجات تانيه بتخليني أحس بالأمل .. العامل اللي بيقعد يكنس في كوبري أكتوبر و يزيح التراب على الجانبين.. كوبري أكتوبر بطوله بزحامه بكل المولد اللي بيعدي عليه كل يوم دون حتى أن يلتفت إليه أحد أو لترابه !

قد ايه بيتعب.. و قد ايه مصمم يعمل شغله.. و يشتغل .. رغم اني مش قادره أتخيل ان في حد بيراقبه ولّا بيقيّمه ولّا بيديله حوافز على قد حبات التراب اللي بيزيحها و لا حتى الفلوس اللي بياخدها لو قالّك على قد فلوسهم !!

و حاجه كمان .. العصافير لما بتعملها على ازازي ;-))

ليه نازله التحرير انهارده ؟

hi,it's me again, back!

الجمعه 27 مايو .. ده اسمها عندي .. عندي , ما اسمهاش جمعة الغضب الثانية و ما اسمهاش الثورة الثانية !

بأكتب عشان أقول نازله التحرير ليه .. مش هاكتب دلوقتي عن مطالب .. أنا بأكتب دلوقتي عن مواقف .

بأسجل موقف ..

موقف عايز يثبت ان مجرد مواطنه مصرية عادية لا تنتمي لأي حزب أو ائتلاف أو ايديولوجيه .. مجرد مواطنه مصرية وجدت بلدها و وطنها و عمرها و أحلامها في الثورة بقت مهتمه و مصرة تنزل و تشارك بسلمية و ايجابية و ديموقراطية و تحضر.. لأنها بقت عارفه أن رأيها و إرادتها بتفرق و مش هاتسلم رأيها و إرادتها و اختياراتها لحد يختارها و يحددها بالنيابة عنها.

موقف عايز يبيِّن خريطة المصريين .. يعني عايزة توضح أن مصر مش كلها إخوان و لّا سلفية .. و مصر مش بس الائتلاف الفلاني أو الحزب العلاني .. و مش بس نشطاء .. و مش بس اللي بيقولوا الجيش يمسك لحد ما مصر تستقر دون الجدول الزمني المتفق عليه .. و مش بس اللي بيقولوا الجيش يرجع ثكانته كفايه عليه كده .. و مش بس اللي بيقولوا أنا من حقي أقول و أعمل أي حاجه تحت اسم الثورة و تحت "الشرعية الثورية" دون الالتفات لرأي الشعب و أغلبيتة عبر العملية الديموقراطية .

موقف عايز يقول أنا مش هاستسلم لارهاب البلطجه و البلطجية .. يعني مش كل ما نيجي نعمل مظاهرة أو حدث أو ما يعبر عن الرأي باسلوب سلمي ديموقراطي متحضر و ملتزم بالقانون ييجوا البلطجية يبوَّظوه .. موقف عايز يقول لأ ..لأ للبلطجة و لأ للفوضى و لأ لوأد حقي في التظاهر عن طريق ارهاب البلطجه و البلطجية !

موقف يقول أني صاحي و موجود و شريك في الثورة دي و في بلدي كفاعل و ليس مفعول به .. عايز يقول بمنتهى السلمية و التحضر و الديموقراطية أن للثورة ثوار يحموها و يحرصوا على اكتمال و تحقيق مطالبها.

موقف بيقول لأ لأي تطرف في المواقف و أي رعونه أو حماقة ممكن تؤدي لصدامات بين عناصر الأمه من الجيش و الشعب بأطيافه .

موقف بيقول لكل فلول النظام السابق و المنتفعين من استمرار النظام السابق بكل فساده ..موقف بيقول لهم ..انسوااااااااااااااااا ..الشعب صاحي قوي و لا رجوع للخلف !

موقف بيقوا أننا لن نرضى بالفُتات و لا بأنصاف الحلول فيما يخص تحقيق الأمن و الامان .. فيما يخص العدالة و القصاص و محاكمة الفاسدين .. فيما يخص أي عبث أو مساس بوحدة المصريين .. فيما يخص كرامة و إنسانية المواطن المصري .

مواطن = موقف = رأي = إرادة = مصر حره = مصر مستقره = مصر ناهضة = مصر متحده



و برده مش عاجبني

hi,it's me again,back!

http://e7l.blogspot.com/2011/05/blog-post_20.html مش عاجبني

بخصوص جمعة 27 مايو ..

مش عاجبني برده أي محاولات للتدخل في شئون المؤسسة العسكرية المصرية .. أتمنى ان المدني يفضل مدني و لا يتدخل في العسكري و العكس صحيح , يعني مش عاجبني اطلاقا بل ضد من يدعون لتغيير المشير أو انتخابات جوه الجيش أو عدم محاكمة من تظاهروا بالزي العسكري ...كلام فارغ بالنسبة لي!!

ليس من حقي كمدني التدخل في إدارة المؤسسة العسكرية لنفسها, بل أن هذا خطير و كلام فارغ!

مش عاجبني اسلوب الحوار المتطاول على المؤسسة العسكرية المصري ( الجيش المصري) رغم تأكيدي على الحق في انتقاد و توجيه اسلوب إدارة المجلس العسكري للبلاد خلال المرحلة الانتقالية المحدده و المتفق عليها.

مش عاجبني  إثارة مشاكل بشكل طفولي و عبثي لأمور "رمزية" في الوقت الحالي , بشكل ممكن يدخل البلاد في مشاكل عصيبة !

مش عاجبني الالتفاف على قرار الشعب المصري و اتفاقه على خارطة الطريق السياسية للمرحلة الانتقالية عبر عملية ديموقراطية و هي الاستفتاء , سواء كان هذا من المجلس العسكري أو من ينادون الآن بتغييرها و تنصيب مجلس رئاسي و لجنه لعمل الدستور.

مش عاجبني انفراد المجلس العسكري في اصدار قوانين ادارة الحياه السياسية دون حوار فعال مع جميع القوى السياسية.

مش عاجبني التفاف بعض الائتلافات و الأحزاب حول قرار أغلبية الشعب في الاستفتاء و المناداة بانتقال حكم الفترة الانتقالية لمجلس رئاسي , حيث أراه طرح غير عملي و غير ديموقراطي, رغم أني كنت ممن صوتوا بلا .

مش عاجبني عمل أي اعتصامات في الوقت الحالي للضغط , و أرفضها سواء في التحرير في ماسبيرو في حته.. أنا ضد الاعتصام في هذه المرحلة.

مش عاجبني السلوك الديكتاتوري و البلطجي من أي حد .. يطلع بقى ائتلاف, إخوان , ثائر ثوار الثورة.. أي حد.. مش عاجبني الانفراد بالرأي و الحق و صوت الشعب و الاستبداد باسم الثورة .

ماعنديش مشكلة في محاكمة البلطجية محاكمة عسكرية .. و أرفض محاكمة أصحاب الرأي محاكمات عسكرية.. بس المشكلة أن هناك بلطجية يتقنعون بقناع أصحاب رأي !!!
و مش عاجبني أي انتهاك لكرامة و إنسانية أي انسان , حتى لو بلطجى!

ميدان التحرير هو قلب مصر النابض و هو البوصلة .. بس بردو التحرير مش مصر كلها .. الشعب يريد العملية الديموقراطية .. الديموقراطية عمرها ما تتبني بديكتاتورية مُقنَّعه !

عاش شعب مصرالثائر و جيشه العظيم ..عاشت الثورة .. عاشت مصر

التغيير اللي حصل و اللي هايحصل

hi, it's me again, back!



" أنا هانزل التحرير عشان لسه ما حاستش بالتغيير" شعار مرفوع حاليا, نعم الكثير مش حاسس بالتغيير .. و مازال " الشعب يريد اسقاط النظام " , الشعب يريد اسقاط نظام مبارك..الشعب يريد اسقاط الفساد في المؤسسات, الشعب يريد اسقاط  المحسوبية, و التمييز بالولاء لا الكفاءة, الشعب يريد اسقاط الفاسدين و الحرامية و الكدابين و المنافقين من المؤسسات المصرية و الحياة السياسية , الشعب يريد مسؤولين و مؤسسات تعمل وفق منظومة واضحة و فعَّاله من الحقوق و الواجبات بمرجعية أخلاقية إنسانيه ..يعني ببساطة أن البني آدم الشريف يقدر يشتغل بسلالسة و تناغم و كرامة .. طب إزاي لو لسه الحرامية و الفاسدين هم الي ماسكين حياته و واقفين له فيها ؟!! طب إزاي لو لسه مش قادر يشعر بالأمن ؟!.. طب إزاي لو لسه حقوقه و حرياته مش محفوظه ؟! طب إزاي لو العدالة مش متحققه ؟! طب إزاي لو خارطة الطريق للتحول الديموقراطي لسه مش واضحه و يتم الالتفاف عليها ؟!  طب إزاي لو لسه مافيش نظام ديموقراطي يعمل بشفافية في المؤسسات التي تؤثر مباشرة في حياة المواطن مثل المحليات و الجامعات و النقابات و االمحافظين ؟!

طب إزاي القانون لو مش بيتطبّق على كل المواطنين بعدل و مساواة ؟! طب إزاي لو الثورة قامت على الناس اللي وصلوا لمناصبهم بالتزوير و االنفاق و الفساد السياسي يبقوا لسه في مناصبهم بل يترقوا بل يشاركوا في القرار و التحول بمصر بعد الثورة ؟!!!

الشعب يريد تطهيييييييير البلاد ..الشعب يريد محاكمة الفساد .. الشعب يريد الأمن و الأمان .. كرامة حرية عدالة اجتماعيه

.............................................................

اللي لسه ماتغيرش ناس كتير كتبوا و يكتبوا عنه..ناس كتير مش هتهدى غير لما تحققه.

أنا أكتب اليوم عن التغيير الذي حدث بالفعل ..تغيير أحدثته ثورة ..التغيير الذي سيحقق و يضمن التغيير المنشود...

أكتب عن بلد صارت وطنا صارت حلما ..صارت وطني صارت حلمي صارت مشروعي..بلد بقت بتاعتي بقيت عايز أزرعها و أبنيها و أشتغل فيها و أعلليها..بقيت فيها مواطن عايز يغير فيها لأنه عارف أنه بقى يفرق .. بقى يقرأ عشانها .. بقي عايز يفهم ..بقى يكتب و يتكلم و ينزل و يشارك عشان عارف أنه يفرق..عارف أنها تخصه .. عارف أنها مسؤوله منه .. خايف عليها و عايز يطير بيها لفوق و يفرد دراعاته.. و يحميها بدمه و عينه لو لزم .. بقى مش عايز يسيبها , مش قادر يشتمها حتى لو بهزار زي الأول.. مابقاش يخاف من حد و لا من حاجه.. غير عليها.. مواطن عرف ان مرتبه ممكن ينزل النص بس صمم يشتغل بأمانه للآخر..عشان بلده .. مواطن بقى بيسمع صوت قلبه قبل طنين السيايين والمتلونين و" اللي فاهمين أكتر منه و عارفين مصلحته" !! مواطن بقى مصمم يبقى نبضه جوه قلب شعب يرفض أن يكون مفعول به و لا يرضى إلا أن يكون فاعلا.

مواطن بقى يقف في طابور طويل بالساعة عشان يصوِّت برأيه في مستقبل بلده.. مواطن بقى يقرأ الجرايد و يسهر أمام البرامج السياسية و يدخل أحزاب عشان يفهم و يشارك .. بقى ينظف شارعه بايده .. بقى يدهن و يجمِّل منطقته .. بقى يتحرك و يتكلم و يفهِّم و يفهم بعضه.. بقى يرفض أي انتهاك لحقوقه أو تجاوز من مين من كان .. حتى  لو مدرس بيضرب عيال في مدرسة يقوِّم الدنيا و ما يقعَّدهاش غير لما يتحاسب ..بقى عايز تغيير و مصمم يجيبه بنفسه.. بقى إيجابي .. بقى نفسه و بقى يعرف يختلف .
دا غير أنصاف مثقفين وأنصاف موهبه و مدعين حكمة و مُدَّعين فن و ناس تافهه و سطحية كانت مُنَّصبه رموز وقعت لوحدها و رجعت لحجمها الطبيعي .. من أول تامووره لحد رجل السي دي !!!

هو ده التغيير اللي حصل جوانا .. جوه المواطن المصري .. و هو ده التغييراللي حصل .. و هو ده التغيير اللي هايجيب و يحقق التغيير !

بلدياتى

بلدياتى

hi, it's me again, back!

استجابة للدعوة للتدوين يوم 23 مايو لإبداء الرأي في و ل المجلس العسكري , أكتب اليوم.

لأني أجدها شيء صحي و مفيد لمصلحة هذا البلد و مغذي و منشط  للمناخ الديموقراطي و مصر الدولة الجديدة التي قامت من أجلها الثورة, و أنطلق بهذه التدوينه من المقالة الرائعة لعمر طاهر في عموده (مصري أصلي ) في عدد  اليوم من جريدة المصري اليوم, اتفاقا مع اللغة و الأسلوب و المنتهَى من هذه المقالة.

إليك يا ابن عمي أكتب, ابن عمي و بلدياتي و دمي كمان ... أكتب و أنا أدرك أنك حميتني بدمك .. و أنا و أخوتي و أصدقائي و أبي و عمي و أهلي هم دمك .. ايد واحده.

ابن عمي آه .. بس ماينفعش كده!

ما ينفعش أنا أقوم بالثورة ضد العمده بدمي , و ولدي و عيوني .. عشان تبقى ثورة مش حركة و تعدي و لا مظاهره كبيره شوية..و مش عشان أسقط العمدة و كام خفير حواليه.. أنا عملت ثورة عشان مش عايزها تبقى عزبة !!

مش عايزها تبقى عزبة – أيّاً كان العمده - يمَّشيها زي ما هو عايز و ماحدش يقولّه فين و ازاي و بكام وليه  .. ومش عايزها تبقى عزبه للعمده و الخفر و شوية "أكابر" في البلد هم اللي يكلوها و يمصوا دم أهل البلد و اللي يتكلم فيهم يُطُطوخوه بالنار , و  شيخ البلد بيقى جاهز بقال الله و قال الرسول و أطيعوا أولي الأمر , و إلا تبقوا ................

لأ , مش عايز البلد تبقى ماشيه على مزاج شيخ البلد و العمده و الخفر و تبقى الدفتر دفترنا و الوق ورقنا .. و الدستور دستورنا؟

ماينفعش يابن عمي بعد ما وقفت جنبي في وقفتي تضيَّع حقي في كلام فارغ و حكاوي قهاوي عن العمده و أهل دوّاره و اتباعه برغم بديهيات العدل و الحق و القانون و القصاص مع اللي ظلمنا احنا الاثنين !

ماينفعش يابن عمي تسيب العِدا توقّع بين أهل البلد و تسيبهم يولّعوا و تتحول لتار بين الاخوات و تتفرج و لّا تستنى لما تشوف هاتوصل لإيه.. مش دا العشم يا بن عمي !

ما ينفعش ما تقدرش .. بصراحه مش بالعها انك مش قادر تحمينا.. .. انا وانت ..و مش عايز أصدق انك مش عايز.. عارف انك و كلنا متحملين فوق طاقتنا.. بس دي شيم الرجال .. وقت الشده الرجاله بتكون قدها و قدود .. و الرجال مواقف ! و لّا ايه يابن عمي !

يابن عمي أنا و انت عارفين أن الأرض مليانه دود ..دود يباكل في خيرها و مانع عنها الخير .. أنا و انت عارفين أن الأرض عطشانه و محتاجه كتير.. الأرض لازم تتقلب .. الأرض لازم تتطهر و تتنظف عشان يطلع الزرع الجديد و يرجع الخير.. مينفعش نردم على الدود و نسيبة يمص في خيرها و دمها !! ما ينفعش!

ما ينفعش أزرعها بنفس النظام القديم ..بنفس شيوخ الخفر.. و ذيولهم و نفس الأساليب .. أمَّال أحنا قومنا القومة دي عشان ايه؟؟ قوللي عشان ايه ؟ عشان أشقى و أتعب فيها وعمر ما يبقالي نصيب !! عشان قلبي يبقى عليها و يؤش الغريب !! و الله ماينفعش!

ما ينفعش يابن عمي تقولي ان خلاص الموسم ده مافيش غله مافيش حصاد و الأرض بارت .. زي ما تكون عايزني أبيعها ولَّا أسيبها , أسَلِّم أرضى و أستعوض !!  لا يابن عمي ما ينفعش.. و مش أنا و مش دلوقتي بعد ما رويتها بدمي و دم ولادي و بعد ما الكل فاق !

ماينفعش يابن عمي ترفض تسمعني و لا تكممني و لا تخرصني و تقولي انت الكبيرولّا تعيِّنلي عم صلاح بُعبُع يرهبني و يضحك على الملايين الطيبين  ..انت كبير على عيني , بس أرضنا أكبر و حلمنا أكبر و أكبر, و الوقت وقت مواقف الكلام مابقاش له نفس التأثير, ماخلاص من بعد ما العمده اللي فات ضحك عليا بطَّلت أسمع بقلبي , و غير عقلي و عينيه ما بقاش يجيب !

مالناش غير حل واحد .. نتفق و نكتب العقد.. نكتبه مع بعض و قدام الكل بعهد الله.. ويبقى اللي أوله شرط آخره نور .. يابن عمي .. عشان نبقى ايد واحده مش ايدتين بيلعبوا مصارعه _wrestling- و ممكن الكل يطلع خسران !

ماينفعش يابن عمي .. يابن عمي مش ده اللي اتفقنا عليه !!

يابن عمي مالناش غير بعض .. الغُرب حوالينا كتير و البلد عليها العين و كل الديابه مستنيين و البلد مليانه ثعابين .
بس كده الحال ده مش عاجبني و ما ينفعش و مش هاينفع !!

عارف يابن عمي انك طاحن نفسك عشاني و عشانك و عشان البلد ..ماحنا ملناش غير بعض.. و أنا معاك و ايد واحده .. بس كشريك واضح و صريح..  مش العمده الجديد !



مش عاجبني !!

hi, it's me gaian, back!!

مش عاجبني اللي بيحصل .. أيوه مش عاجبني!
مش عاجبني عدم تطبيق القانون على جميع المصريين بحزم و مساواة و عدل .
مش عاجبني يبقى تطبيق القانون ماشي بسياسة "كله ولّا حته منه..حته منه ولّا كله"..لامؤاخذة دي سياسة ريا و سكينه في مسرحية هزلية و لا نقبل أن تكون سياسة حكم!!
مش عاجبني أن يتم حل قضايا من أكثر القضايا حرجا و أهمية عن طريق مجالس عرفية أو تدخل البابا و لّا شيخ الأزهر ولّا الشيخ حسان!!!!!
مش عاجبني أن يطبق القانون على ثوار و لا يطبق على الفاسدين و المجرمين و مثيري الشغب!!
مش عاجبني أن يتم تشوية صورة الاقتصاد المصري بهذه الفجاجه و إثارة الهلع بهذه الطريقة لوأد أي معارضة.. مثلما فعل النظام "السابق" أيام ثورة 25 يناير: فوضى أمنية متعمده ــــــــ فوضى طائفية متعمدة , فزاعة الفراغ الدستوري ـــــــ فزاعة الانهيار الاقتصادي !
مش عاجبني ان يتم إلهاء و تشتيت الفكر الشعبي عن التوعية و الرؤية السياسية و الاقتصادية و التنموية لمصير مصر الثورة بالكلام الفارغ و العبثي و الافترائي (و سياسات جس النبض ) عن مبارك و أصدقائه و ابنيه و شلتهم و أتباعهم و نظامه الفاسد المجرم ..عبث عبث عبث و الدنيا المفروض تكون واضحة و مستقيمة .. و لكنها الخطة البديلة لمستندات أمن الدولة المتسربه التي كان من المفترض أن تقوم بهذا الدور الإلهائي للشعب و إثارة التخوين لكل رموزه و شرفاءه وإخماد ثقته في الثورة .. فوجئوا بوعي هذا الشعب فكان الرد بالتلاعب بعاطفته بمادة أسهل في التداول و أسرع في الاشتعال مثل عفاريت السلفية, الفتنة الطائفية , الانهيار الاقتصادي الموشك , التظاهرات الفئوية التي تعطل الانتاج ,نمايم مبارك و , سوزان و بورتوطره و ..........
مش عاجبني التقاعس الأمني المتعمد , و عدم قيام الشرطة بواجبها, و عدم قدرتها على العمل بجدية و احترافية و شرف!!
مش عاجبني وجود قيادات الشرطة ما قبل الثورة بنفس توجهاتها و أساليبها و "منهجياتها" و انتماءاتها و ترؤسها لهذه المؤسسة الهامه في هذا الوطن بتلك الطريقة!
مش عاجبني عدم قدرة جهاز الشرطة بهيكلته و سياسته الحالية على القيام بواجبه في حماية المصريين .. بل عدم إرادته ذلك!!
مش عاجبني ان أي حد عايز يعمل أي حاجه أو يقول أي حاجه يعملها .. مش عاجبني الفوضى و الجهل ..خاصة في الاعلام .
مش عاجبني ان الشباب المخلص الوطني الطاهر المحب لبلده يقوم بالثورة ..و تسرق منه و يُهمَّش و يركبها ناس تانية !
مش عاجبني أن تقوم ثورة في البلد , و ينتفض الشعب كله و يشير بإصبع "المظاهرات الفئوية" إلى رؤوس الفساد و منظومات الفساد داخل كل مؤسسات الدولة و تبقى رؤوس الفساد و الفشل الإداري و الظلم كما هي بعد أكثر من 3 شهور على "اسقاط النظام" !!!
مش عاجبني أن يتم حصار طاقة الابداع و الإرادة و التنمية و التغيير في بوتقة الإلهاءات و الترهات المتعمدة لخدمة مصالح البعض في إخماد الثورة و أن يبقى الوضع كما هو عليه !
مش عاجبني وأد الحلم المصري .. حلم الشباب و الشعب الثائر في مصر جديدة .. مصر دولة مدنية حره من دول العالم الأول و ليس دولة مكبله تعيش على التسول و تستكين لأجندات دول متخلفة أو دول عدوانية!
مش عاجبني كل البهوات الكهول "المتبتين في كراسيهم " المفلسين عن ابداء أي ابداع أو تطوير أو بذل و جهد لمصر الفتاه الأبية الجديدة.. مش عاجبني قتلهم تأجيال جديدة كاملة و إحباطها و دفنها بالحياه !!
مش عاجبني الاستسلام للبلطجية و البلطجه و ترك الحبل على الغارب لهم ليعيثوا في الأرض فسادا و الوقوف بحيادية شديدة معهم ترقى للمؤامرة بل الخيانه!!
مش عاجبني التلاعب و المراوغه بخارطة الطريق السياسية لهذة المرحلة الحرجه و محاولات التلاعب بعناصرها !!
مش عاجبني أي محاولات للنيل من المؤسسة العسكرية التي هي عمود أساسي من أعمدة هذا البلد .. و أقصد بالمؤسسة العسكرية الجيش المصري العظيم بدون أي اختزال له في أشخاص !
مش عاجبني و مش عاجبني و مش عاجبني !مش عاجبني حاجات كتير .. بس الفرق أن قبل 25 يناير كان برده مش بيعجبني .. كان هذا الشعور يتحول لغضب يتحول لإحباط يتحول ليأس ... أما الآن و بعد 25 يناير مش عاجبني تتحول لغضب يتحول لإرادة فى التغيير تتحول لإيمان يتحول لثورة !!

..then i know we r not together anymore!

Hi,it’s me again, back!
Once more it’s summer..
But flowers don’t seem to be happy like before.
I don’t wanna hang out..don’t wanna go for pizza no more
Don’t care for buying new accessories.. or go shopping for new shoes
Don’t long for new clothes..scarves don’t shine with colors like before .. & perfumes doesn’t smell the same.
Don’t laugh at night anymore.. or play like kids by the shore
Making coffee for one not for two..
With one piece of cloth never moves..
Tears wash my heart when I listen to Halim singing..
Can’t catch the taste of life no more..
Then I know that I’m without u..
We r not together anymore!

و مين قال ان الرزق فلوس

hi, it's me again, back!

أذكرأيام الدروس الخصوصية و السناتر - الله لا يعودها أيام - , و قت درس math1 و في أواخر السنة و كله متسربع و "المستر" عايز يُحشرني في أي مجموعه عشان دخلت معاه متأخر, الراجل كنت بأحسه مادي شوية .. ما أخبيش عليكو ساعات كنت بأحسه أبو لهب!!
لكن هذا الرجل في يوم قال حكمه حلوه جدا و اتعلمت منه كتير.
مره كنا في حصة زحمه جدا و كلنا كده فوق بعض و متأخرين في المنهج و عايزين نخلَّص و نراجع.. و كله "مزنوق" من الآخر..ثانوية عامه بقى و ما أدراكوا !!
المهم كان في طالب كده واد تقول ايه.. حاجه كده.. يعني تحسه قاعد زي "الحللوف" ..برغم معالم الثراء الفجَّه الواضحة عليه !!
الراجل يشرح ما يشرح و ده قاعد- تقدر تقول ممدد عالبنش - يضحك و يقوله مش فاهم .. يقعد الراجل يفهمه .. و الواد يتعامل مع كلامه كأنه طلاسم أو كأنه صحي فجأه و لقى نفسه على هذا الكوكب!!
في مزيج فريد و مستفز من الغباء و البلاهه و الاستهتار و اللامبالاه من جانب الولد
و محاولات مستميته متألمة تقاوم اليأس من جانب المدرس , و الذي يبدو أنه على معرفه جيده بأبو الولد لدرجة جرفته من الشعور بالاستفزاز و الغضب و "الخنقه" من الولد إلى الشعور بالشفقه .. الشفقه على غباء و استهتار و لامبالاة و لا شعور الولد.
و وجدناه ينظر إليه و يتنهد تنهيده عمييييييييقه و يقول:
مين قال ان الرزق فلوس !




ياريت لو حد بيقرا عربي يكتب تعليقاته على التدوينه دي و يقوللي هو الشايف الرزق ايه كمان غير الفلوس .. و لا ايه رأييكوا؟

:-)

the day before tomorrow

hi, it's me again,back!
writing this moment .. in the day before tomorrow.. cause tomorrow is the big day!
tomorrow gonna change my nutrition style .. tomorrow i gonna eat healthy food.
tomorrow i'll start sleeping well... sleeping enough.
tomorrow gonna get my fitness back & lose weight.. tomorrow gonna do sports.. tomorrow gonna start living smart.
tomorrow gonna have my hair fixed ,looking so dry!
tomorrow gonna call my friends & cousins & set up for a good hang out.. gonna visit my uncles.
tomorrow i'm gonna start reading useful books.
tomorrow i'm gonna buy a guitar & start playing..i've always wanted to!
tomorrow i'm gonna call her.

tomorrow i'll send her flowers.
tomorrow i'm gonna tell her how much i love her..gonna tell her what she means to me..how i need her!
tomorrow i'm leaving that stupid job.. it's killing me slowly..gotta leave those jerks!
tomorrow i'm gonna help dad with fixing the house..he's been asking for long.
tomorrow i'm gonna set for any cabin by the beach .
tomorrow i'm gonna take my kids to visit the pyramids & the egyptian museum.
Tomorrow I’m gonna teach my kid some football tricks!
tomorrow i'm gonna do my car's maintenance.
tomorrow i'm gonna take part in meditation sessions.
tomorrow i'll pray all prayers regularily.
Tomorrow I’ll fast some extra days.
I’ve alwaya wanted to…….., tomorrow I’m gonna ………..
I really should have………..., tomorrow I’m gonna ………..
I just have to get done with the things I’m doing this day.
This day.. THE DAY BEFORE TOMORROW.
Oooooooooopppsssssssss!!
Seems somebody MISSED TODAY living the “day before tomorrow” !!

a true as***le story!

hi, it's me again, back!

let me tell u a true story .. about an as***le.

he was a selfish concieted asshole.. always looks fine , glamourous, & smart. thinks himself smart.. actually the smartest, kind, always misplaced.. misunderstood, & underestimated..actually he believes that.

always playing the good guy, a victim !

they were one another's destiny.. & they knew it.

she.. she was kind..very kind .. weak.. actually helpless.

he..was WILD.. a wild free spirit.

she..was "ordinary"..

he.. always demanded everything & everyone to be PERFECT.. never admitted it ..but that's what he does..that's what he is.

she..was ill.. incapable of doing his "everything".

he..saw her lazy..weak..defeated & letting herself down..not doing enough..or doesn't have the will to help herself out!

she .. loved him much..too much that he can never go mistaken..that she always forgives him..that she can never hate him for anything.

he..found her love suffocates him .. he longed for his space ..his freedom!

she.. cared too much..too much for him.

he.. loved her..his own way.

she .. wanted him to love her.. just love her.

he.. wanted to enjoy loving her..his own way..wanted her to be "lovable" for him

he..he loves her.

she..has always been giving him everything.

he..always wanted more..always in a fight with himself to give her everything.

she..gave him everything she could.

he.. gave her everything he wanted her to be.

she.. was his responsiblity.

he..was her life.

she..was herself.

he.. wanted her to b someone else.

she..never cared if he to understand how she loves him.

he.. perished himself to make her understand him.

she.. is patient.

he.. is angry.

she..loves him.

he..loves her.

she ..died.

now..she 's in heaven.

now.. she's stronger.. powerful..free.

now.. she's rewarded for all the love she gave.. & all the love she was.

he.. lost her.

he.. now he knows.
now.. he knows how she loved him..
now..he knows how he loved her.
now..he understands how she loved him.
now.. he feels sorry.. lost .. & stupid.

now.. it's too late.
now.. he knows he's an as***le.

مولاي إني ببابك

hi, it's me again, back!

مولاى انى ببابك قد بسطت يدى

.. من لى الوذ به .. الاك يا سندى ..

مولاى .. يا مولاى ..

اقوم بالليل .. والاسحار ساجدة ..

ادعوا وهمس دعائى .. بالدموع ندى ..

بنور وجهك انى عائذ وجل .. ومن يعذ بك لن يشقى الى الابد

مهما لقيت من الدنيا وعارضها ..فأنت لى شغل عما يرى جسدى ..

تحلوا مرارة عبش فى رضاك .. ولا اطيق سخطا على عيش من الرغد ..

من لى سواك .. ومن سواك .. يرى قلبى ويسمعه ..

كل الخلائق ظل فى يد الصمد ..

ادعوك ياربى .. فاغفر ذلتى كرما ..

واجعل شفيع دعائى .. حسن معتقدى ..

وانظر لحالى .. فى خوف وفى طمع ..

هل يرحم العبد بعد الله من احد ..

مولاى انى ببابك .. قد بسطت يدى ..

من لى الوذ به .. الاك يا سندى ..

مولاى .. يا مولاى ..

ابتهال للنقشبدني

لا إلـــــــــــــــه إلا أنت سبحــــــانك إني كنت من الظالمين

و إزاي أعرف أن الصيف جه ؟

hi, it's me again,back!

معقول السنه دي مافيش توقيت صيفي؟!!

النهار مش هيبقى طويل و الدنيا منورة لحد الساعة 8 !! مش هينفع أبقى للساعة 10 بره البيت و لسه بدري؟ مش هاينفع أريَّح دماغي و ما أقعدش أحسب فرق التوقيت ما بين KSA & CLT & UAE عشان أشوف أي فيلم عاMBCs أو دبي !! مش فجأه هلاقي ساعة زيادة جتلي من الهوا تفك زنقة المذاكرة ! مش هانزل الصبح بدري و ألاقي الشمس خفيفة ومش حامية قوي ! طب مش هاسمع عن حد فوِّت معاد عشان مش داري أن الساعة اتغيرت؟! و لا حتى نقعد يوم كده في السُطَل مش عارفين الساعة فعلا كام ؟!!

طب مش هأعرف آجي من الشغل و ألحق أشوف فيلم إمبارح في الإعادة من أوله ؟! يا خسارة

ايه ده .. طب أعرف ان الصيف جه إزاي ؟!

ممكن من إعلانات الأيس كريم لما تملأ التليفزيون .. لا لا ده شم النسيم .. أه من إعلانات أفلام سيما أول الموسم ..الأفلام اللي تشوفها و تفضل تحلم انك تروح تشوفها لمجرد انك مزنوق في مذاكرة الإمتحانات !! و لا يمكن من الأغاني على ميلودي لما تلاقي كل الفيديوهات بقت بحر و مايوهات!!

أكيد هأعرفه من العربية أم كاسيت عمرو الجديد ماشية تلف الشوارع و ترج الدنيا .. و لّا من صوت دوشة العيال و هما بيلعبوا كورة في الشارع من أم جول طوبتين !!

هأعرف لما أقدر أشوف الشمس و هي مروحة تنام في أول كل خروجه .. هأعرف لما ألاقي الدنيا زحمة على طول .. صاحية على طول و مابتنامش !

هأعرف لما ألاقى الشجرة اللي قدام بيتنا أوراقها اخضَّرت و زهزهت و فرشت ضلًّاية نتخانق مين يركن تحتيها و وردها الأحمر فارش الأرض و مغطي العربيات !

و لا العرق لما يغرق أرض الملاعب مع أحلى صحبة في" جيمايه " حلوة !

و لا الكهرباء لما تقطع كتير من "لود" التكييفات .. الأسهل أعرف من زنة التكييفات .. أو من نقطها اللي بتنزل فوق دماغي لما أمشي في شوارع الدقي أو وسط البلد :-)

أوممكن من العربيات لما تسخن كل يوم و تعطل على كوبري أكتوبر و نفضل واقفين للصبح !!

أكيد هأعرف لما ألاقي نفسي في البلكونة بضرب سما و بعِّد النجوم بأتنشَى على على نسمة هوا حلوه .. و هأعرف لما ألاقي كل 5 دقائق طيارة معدية فوق دماغي جايبه البعيد يقرّب و المشتاق يرتوي من النيل .. نيل مصر

أعرف منين أن الصيف هًّل بحره و حرارته.. أحلامه و شقاوته .. عرقه و مرحه و سهره !

مش كان أسهل أعرف بإعلان التوقيت الصيفي و خلاص ..

بس كده أحلى كتير .. رغم أي حاجه .. لأن الصيف ده صيف الحرية بجد .. صيف نظيف بعد ما زحنا إلي كانوا منجِّسين البلد .. هنغسلها بمية بحر اسكندراني تطهّر أرضها .

طبعا مش موافق يلغوا التوقيت الصيفي .. و صوّت بكده في استفتاء رئاسة الوزراء على النت.. أحلى حاجه إني قلت رأيي.. و الأحلى أنه بقى يفرق مع حد و يفرق و يتاخد بيه.

و طبعا لاغوه .. مش مشكله .. الأغلبية عايزه كده .. و أنا تحت أمر الأغلبية .. المهم أني قلت و شاركت أنا عايزه ايه ..تحيا الديموقراطية .. أي صيف هيبقى أحلى و أجمل بالديموقراطية سواء بتوقيت صيفي أو من غير .

و كل صيف و انتو طيبيين :-)

have u ever felt VAMPIRED

hi,it's me again, back!

have u ever felt like being "VAMPIRED" ?!

felt like u r very exhausted & too weak .. blood sucked up .. energy so sucked up !

i feel this way a lot lately.. feel weak & tired, don't have enough energy to do all the things i wanna do.

my energy is so sucked up by driving long distances through over-crowded streets, snaking around for some space to move in & some speed to get going!

so sucked up by the stupidity in work process .. so much communication & energy to get people to understand how things should be done!

so sucked up by trivial chit chats with work colleagues.. so sucked up by family responsibilities & duties.. so sucked up in sociality chopper !

so sucked up by having to "fight" everyday to get my everyday simple needs.. so sucked up by looking for somewhere to park my car!!

my brain is so sucked up by mobile signals - reinforcement towers surrounding me!

so sucked up by too many electro-magnetic fields flowing through wires around me !

so sucked up energy-wise, time-wise , brain-wise, soul-wise & money-wise!

so sucked up by greedy manipulating politicians & business heads that sucks up our resources & money.. those r true vampires!!

ignorance.. greed..violence..conflicts-adicts ..deteriorating physical fitness & shape.. down to a mediocre urban / civil planning .. VAMPIRES !!

so many vampires around me .. sucking my blood & energy.. actually sucking my chances for a better life or at least a better use of my time/life.

but the "victim" will keep resisting .. bleeding & fighting for tomorrow ;-)