مسافـر زاده الخيـال

مسافـر زاده الخيـال

والسحر والعطر والظلال
ظمآن والكأس فى يديــه
والحب .. والفن .. والجمال

شـابت على أرضه الليـالى
وضيعت عمرهـا الجبــال
ولم يزل ينشد الديـــارا
ويسأل الليل والنهـــارا


والنــاس فى حبه سكارى
هاموا على شطـه الرحيب


اه على ســرك الرهيب
وموجك التائــه الغريب
يا نيل يا ساحــر الغيوب


يا واهب الخلد للزمــان
يا ساقى الحب والأغــاني
هات اسقنى واسقنى ودعـنى
اهيم كالطـير فى الجنــان
يا ليتنى موجة فاحــكي
إلى لياليك ما شجــاني
وأغتـــدى للرياح جـارا
واسكب النورللحيــارى


فان كوانى الهـــوى وطارا
كانت رياح الدجــى طبيبى
اه على ســرك الغريب
يا نيـل يا ساحــرالغيوب
سمعت فى شطك الجميــل
ما قالت الريـح للنخيل
يسبح الطيــر أم يغنــى
ويشرح الحــب للخميل
وأغصــن تلك أم صبـايا


شربن من خمرة الأصيـــل
وزورق بالحنـين ســـارا
أم هذه فرحة العــذارى
تجرى وتجرى هــواك نارا
حملت من سحرها نصيــبي



آهٍ على ســرك الرهيب

وموجك التائــه الغريب
يا نيل يا ساحـــر الغيوب


محمد عبد الوهاب

كلمات: محمود حسن إسماعيل

أغنية النيل لمحمد منير

ولا بيوصل و لا بيتوه ولا بيرجع ولا بيغيب
النيل سؤال و مازال ماجاش عليه الرد
من قد ايه و لفين ماقالش عمره لحد ولا بيوصل
سهران يوشوش ناي و الحلم رايح جاي
قباله ع الشطين بيحب صوت الناس
و غني البنات بالليل بيكرة الحراس
لما تدوس بالخيل ولا بيوصل
تفوت ايااام.. تموت احلام..تعدي شهور..
تدور الارض و الدنيا و هو يدور
و لسه بيجري و يعافر
و لسه عيونه بتسافر..
ولسه قلبه لم يتعب من المشاوير

الغريب اني حاسه ان النيل بقى جزء مني.. نفس الروح .. و جايز نفس الحزن ؟ .. من كتر ما بأشوفه و أصبَّح عليه كل يوم.. كل يوم أعدي عليه و أقوله :

good morning Mr NILE, dear NILE, great NILE

حاجه زرقه ماشيه .. خير ماشي.. نيل مصرهو الخير.. حته من الجنه و نهر من أنهارها على حته غاليه من الأرض من حسن حظي إني عايشه عليها.. خير تبص له تحس انه ما بيخلصش .. بيجمعنا كلنا و ما بيبخلش .. و ما بيتعبش و ما بييأسش.. رغم كل اللي شايفه واللي بيمر به وعليه .. شريان بيلهم المصريين .. العشاق .. و الفنانين .. و كل مبدعي الساقيه.. و كل الشباب المفحوتين في الشركات و الفنادق اللي على ضفافه ..اللي ممكن طله واحده عليه تسحر خيالهم و أحلامهم و تخطفهم من أرف اليوم .. و كل الصيادين و المراكبيه .. نابض بينا و نابضين معاه من النوبه للصعيد للقاهرة .. هو بهجة شم النسيم.. و فرحة عريس و عروسة على كوبري من كباريِهِ ..أو فأفخم فندق على ضفافه .. هو خروجة الشباب الحلو في مراكبه .. و رزق الصيادين .. و تحدي و إلهام مهندسين المياه .. من أول جيل مهندسين السد العالي لحد جيل مهندسين هانجيب المياه منين !!! :-$

كل واحد بيحسه ويحبه بطريقته .. بس متهيألي أنه لا شعوريا بيجري جوه كل واحد فينا .. بكل استقراره و مساراته الإجبارية بعد مشروع السد العالي اللي أبهاتنا غنوله و رقصوا عند افتتاح "عبد الناصر" له .. لو مش مصدقني شوف صبرنا قد ايه لحد ما عملنا الثورة .. بلاش.. شوف بتفكر كاااااااااااااااام مره عشان تسيب الشغله اللي انت فيها و مش طايقها .. أو الكلية اللي دخلتها و انت كارهها و خايف تسيبها عشان عدى عليك فيها ترم !! و لا كل الناس الملزقه و مترصصه على ضفافه بطول مصر كلها و مش عايزين "يتًّاخروا" شبر بعيد عنه .. لمجرد الخوف من التغيير .. الخوف من الأمواج !

هو الكلام خدنا كده ليه .. المهم كنت عايز أقول ..

الله عليك يا نيل ..

وبالمناسبه , حق الناس بتوع آسفين .. يروحوا يعملوا مظاهرة آسفين يا نيل ;-)